Աստղագիտական ժառանգությունը ազգային մշակույթում. գիտաժողով Բյուրականում
Գիտություն և Մշակույթ
Անանիա Շիրակացու 1400-ամյակին նվիրված միջոցառումների շրջանակներում սեպտեմբերի 25-28-ին Բյուրականի աստղադիտարանում տեղի կունենա միջազգային պատմա-աստղագիտական գիտաժողով «Աստղագիտական ժառանգությունը ազգային մշակույթում» թեմայով, որը նվիրվելու է ինչպես Շիրակացու աստղագիտական ժառանգությանը, այնպես էլ աստղագիտական արժեք ներկայացնող Հայաստանի նյութական և ոչ նյութական հուշարձաններին:
Կազմակերպիչներն են ՀՀ ԳԱԱ Բյուրականի աստղադիտարանը (ԲԱ), ՀՀ ԳԱԱ Պատմության ինստիտուտը, ՀՀ ԳԱԱ Հնագիտության և ազգագրության ինստիտուտը և Մ. Մաշտոցի անվան Մատենադարանը: Գիտաժողովին կմասնակցեն Հայաստանի և արտերկրի մոտ 50 գիտնականներ՝ աստղագետներ, պատմաբաններ, հնագետներ, լեզվաբաններ և այլ մասնագետներ:
Զեկուցվող և քննարկվող թեմաներն են լինելու աստղագիտական բնույթի ժայռապատկերները, հնագույն օրացույցները և տոմարը, աստղագիտական եզրաբանությունը, հնագույն աստղադիտարանները և աստղագիտական գործիքները, աստղագիտական երևույթների հիշատակությունները պատմական աղբյուրներում, Մատենադարանի աստղագիտական բնույթի ձեռագրերը, Անանիա Շիրակացու տիեզերագիտական և տոմարագիտական ժառանգությունը, միջնադարի հայ աստղագիտական քարտեզները և այլն: Կքննարկվեն նաև Հայաստանի պատմա-աստղագիտության և աստղագիտական ժառանգության համակարգման հարցերը:
Մասնակցել ցանկացողները մինչև օգոստոսի 10–ը կարող են գրանցվել առցանց ձևով հետևյալ հասցեով՝
Հայկական աստղագիտական ընկերություն
http://www.aras.am/Shirakatsi/Meeting/index.html


















































Ամենադիտված
Կորուստ՝ Ալլա Լևոնյանի ընտանիքում