Այսպես է զինում Մոսկվան Ասադին. Der Spiegel

Ռուսաստանը համարվում է Սիրիայի համար զինամթերքի կարևոր մատակարարը։ Միայն այս տարի Ռուսաստանը Սիրիային մատակարարել է 500 միլիոն դոլարի ծանր զրահատեխնիկա։ «Կրեմլը Բաշար Ասադին օգնում է հակաօդային պաշտպանության համակարգի հուսալի ցանց ստեղծելու ուղղությամբ, և դա հնարավոր է լուրջ սպառնալիք լինել Արևմուտքի համար», – գրում է Der Spiegel պարբերականի հոդվածագիր Բենմին Բիդերը։

Արևմուտքի համար լավ տեղեկությունն այն է, որ ռուսական «Alaed» նավը Մուրմանսկում հարձակման է ենթարկվել, թեև ստիպված եղել ռուսական ուղղաթիռներ և ՀՕՊ համակարգեր մատակարարել Սիրիա։ Թեև Բիդերը գրում է, որ «Alaed» նավը, ամենայն հավանականությամբ, վերջին նավը չէ, որն այս տարի ռուսական զենք է մատակարարելու Սիրիային։  

Ռուսաստանը վաղուց է քննադատվում միջազգային հանրության կողմից Ասադի ռեժիմը պաշտպանելու համար։ Անցյալ շաբաթ պաշտոնական Մոսկվան անսպասելիորեն փոխեց իր դիրքորոշումը՝ զգուշավորություն դրսևորելով Սիրիայի խնդրի խաղաղ կարգավորման ուղղությամբ տեղի ունեցող հանդիպումների նկատմամբ։ Միևնույն ժամանակ Կրեմլը հավատարիմ է մնացել Սիրիայի հարցում իր դիրքորոշմանը՝ ցանկացած պարագայում թույլ չտալով արտաքին ուժերին տապալել Բաշար Ասադի ռեժիմը, նշված է հոդվածում։

«Շնորհիվ Ռուսաստանի Սիրիան ՀՕՊ համակարգի հուսալի ցանց է ստեղծել։ Այսօր Սիրիայի ՀՕՊ համակարգը զգալիրորեն գերազանցում է Լիբիայի և Իրաքի ՀՕՊ համակարգին»,– ասել է CAST վերլուծական հիմնադրամի սպառազինության գծով փորձագետ Ռուսլան Ալիևը՝ ավելացնելով, որ ռազմական գործողությունների սկսվելու պարագայում արևմտյան դաշնակիցների համար Սիրիան «պինդ ընկույզ» կարող է լինել։ 

Ըստ Ալիևի, Մոսկվայի դիրքորոշումը չի բացատրվում միայն տնտեսական հաշվարկով. Դամասկոսը չափազանց լուրջ գործընկեր է համարվում Ռուսաստանի համար տարածաշրջանում։ Նախագահ Պուտինին շուտով պատելու է Սիրիան Մերձավոր Արևելքում որպես վերջին դաշանկցի կորցնելու վախը, որը լուրջ գործընկեր է համարվում դեռևս Խորհրդային միության ժամանակաշրջանից։