Human Rights Watch-ը զեկույց է հրապարակել Սիրիայում խոշտանգումների վերաբերյալ

Human Rights Watch միջազգային իրավապաշտպան կազմակերպությունը զեկույց է հրապարակել Սիրիայում մարդու իրավունքների խախտումների վերաբերյալ՝ մասնավորապես խոշտանգումների և ժամանակավոր բանտերում մարդկանց անօրինական բանտարկությունների մասին։ HRW–ն Հաագայի Միջազգային քրեական դատարանին կոչ է արել պատժել մեղավորներին։

Մեծ Բրիտանիայի Արտաքին գործերի նախարար Ուիլյամ Հեյգը հայտարարել է, որ Սիրիայի իշխանության կողմից «բարբարոսական քայլերը» սարսափելի չափերի են հասնում։

Ըստ նախարարի, ապագա ամբաստանյալներն ամեն դեպքում չպետք է խուսափեն պատասխանատվությունից։

Ավելի վաղ, Human Rights Watch–ի ներկայացուցիչները իրենց մտահոգությունն էին հայտնել Տարտուս նավահանգստում ռուսական զենք մատակարարելու վերաբերյալ։