Տեր Կյուրեղ քահանա Տալյանը պատմեց «Անձայն ճիչ» ֆիլմի մասին

«Անձայն ճիչ». հենց այս ֆիլմի մասին այսօր լրագրողների հետ հանդիպմանը պատմեց Կոտայքի թեմի՝ Ջրվեժի սուրբ Կաթողիկե եկեղեցու հոգևոր հովիվ տեր Կյուրեղ քահանա Տալյանը՝ անդրադառնալով հղիության արհեստական ընդհատմանը։

Բեռնարդ Նատանսոնը, ով մի հայտնի կլինիկայի ղեկավար էր և իր աշխատանքային գործունեությունում բազմաթիվ աբորտներ կատարած մեկը մի օր մտածում է, թե արդյոք որքանո՞վ է բարոյական իր կատարած գործողությունները, և գալիս է մի եզրակացության, որ պտուղն առանձին մարդկային մի էակ է, ում կյանքից զրկելն անընդունելի է։ Նա որոշում է մի ֆիլմ նկարահանել, որտեղ, հատուկ տեխնիկական միջոցներով, ներկայացնում է 3 ամսական պտղի սպանությունը։ Այդ պահին պտղի սիրտն սկսում է ավելի արագ բաբախել և հասնում է 140-ից մինչև 200 զարկի։ Ֆիլմում ներկայացված է, թե ինչպես է պտուղը խուսափում բժշկական գործիքներից և բերանը բաց, կարծես, օգնության ճիչ է արձակում։ Բժիշկը ֆիլմն անվանում է հենց «Անձայն ճիչ»։ Ի դեպ, այդ ֆիլմը դիտելուց հետո՝ մի շարք մասնագետներ որոշում են այդպիսի գործողություն էլ չկատարել։