Ահազանգ. պայթեցումները մոտեցել են եկեղեցուն (լուսանկարներ)

‎17-18-րդ դդ թվագրվող Ամենափրկիչ եկեղեցին գտնվում է Ագարակ քաղաքի մոտ, Կուրիս գյուղի վարչական տարածքում:

Այսօր այն հայտնվել է Ագարակի պղնձամոլիբդենային կոմբինատի հանքի տարածքում: Այս գեղեցիկ բազիլիկատիպ կառույցը շուրջ 60 տարի դիմակայել է շահագործվող հանքավայրի ամենօրյա պայթեցումներին: Պայթեցումները մոտեցել են եկեղեցուն և շուտով ընդգրկելու են նրա տարածքը: Կառավարությունը որոշում է ընդունել եկեղեցին տեղափոխել Ագարակ քաղաքի տարածք։

Այս մասին ահազանգում է Մարիամ Սուխուդյանը։

Պատմամշակութային ժառանգության գիտահետազոտական կենտրոնի հնագիտական խմբի ղեկավար Արման Նալբանդյանը պնդում է՝ եկեղեցին տեղափոխելը ճիշտ որոշում չէ: Եկեղեցու քարերին արձանագրություններ կան, զանազան նշաներ: Եկեղեցին տեղափոխելու դեպքում, ըստ հնագետի, հնարավոր չի լինի պահպանել այս ամենը: Բացի դրանից՝ եկեղեցին չպետք է զուտ կառույց դիտել, այդ տեղանքն արդեն սրբացած է: «Եթե տեղափոխվի, դա չի լինի նույն եկեղեցին է, դա կլինի մի նոր եկեղեցի, ինչքան էլ նույն քարերով կառուցվի»,- ասում է հնագետը:

Լուսանկարները՝ այստեղ։