Բաշար Ասադը պատրաստակամություն է հայտնել ժողովրդի պահանջով նախագահի պաշտոնը լքելու վերաբերյալ

Սիրիայի նախագահ Բաշար Ասադը պատրաստակամություն է հայտնել Սիրիայի նախագահի պաշտոնը լքելու վերաբերյալ՝ նշելով, «եթե այդպիսի ցանկություն ունենան սիրիացիները»։

«Ես կառչած չեմ իմ աթոռից։ Այնպես որ, եթե իմ երկրի միլիոնավոր քաղաքացիներ ցանկանան իմ հրաժարականը, ես իհարկե կհեռանամ։ Ինչո՞ւ պետք է լինեմ այնտեղ, որտեղ ինձ չեն ցանկանում տեսնել», – ասել է Ասադը թուրքական թերթերից մեկին տված հարցազրույցում։

Ըստ Ասադի, եթե մտադիր լինի մնալ իր պաշտոնում, «պետք է իրականացնի ԱՄՆ–ի հրամանները, հրաժարվի սեփական սկզբունքներից և հանդես գա ազգային դիրքերից, ինչպես նաև ԱՄՆ–ին պետք է թույլ տա Սիրիայի տարածքում ՀՕՊ համակագի տարրեր տեղակայել»։   

«Եթե ժողովուրդն իսկապես չի ցանկանում տեսնել ինձ նախագահի պաշտոնում, ապա դա կորոշվի ընտրությունների արդյունքում։ Եթե ժողովուրդը ցանկանա, ես կհրաժարվեմ իմ պաշտոնից», – ասել է Ասադը։ 

Սիրիայի նախագահն ուշադրություն է հրավիրել Ժնևում Սիրիայի հարցով հունիսի 30–ին կայացած միջազգային խորհրդաժողովի վերջում ընդունված հռչակագրի վրա՝ ըստ որի «Սիրիայի ապագան պետք է որոշեն սիրիացիները»։

«Մենք չենք ընդունում արտաքին ուժերի կողմից պարտադրված որևէ որոշում, և առաջնորդվում ենք ներքին իրավիճակին համարժեք ընդունված որոշումներով», – նշել է Ասադը։