ՎՀԳ «Վերնատուն» միության հերթական համաժողովը
Գիտություն և Մշակույթ
Հոկտեմբերի իննին տեղի ունեցավ Վրաստանի հայ գրողների «Վերնատուն» միության հերթական հաշվետու ժողովը: Այն ողջունեցին Վրաստանում ՀՀ արտակարգ ու լիազոր դեսպան Հովհաննես Մանուկյանը, Վիրահայոց թեմի առաջնորդ Վազգեն եպիսկոպոս Միրզախանյանը, «Վրաստան» թերթի խմբագիր Վան Բայբուրթյանը:
Հաշվետու ժողովն արժևորեց վերջին չորս տարիների աշխատանքը, միաձայն ղեկավար ընտրվեց «Վերնատան» հիմնադիր-անդամ Գևորգ /Ժորա/ Սնխչյանը, ընդունվեց վարչության նորացված կազմ, բաժինների վարիչներ, ծրագրեց առաջիկա անելիքները:
Վերնատան ընդհանուր ժողովը խորին երախտագիտություն հայտնեց ՀՀ Սփյուռքի ու Մշակույթի նախարարություններին՝ միության նկատմամբ օրըստօրե աճող հոգատարության ու աջակցության համար:
Տեղեկացնեմ, որ ՎՀԳ «Վերնատուն» միությունը 15 տարվա պատմություն ունի, այն այսօր ամենահայտնի ու հեղինակավոր գրական կազմակերպությունն է Վրաստանում: Ստեղծվելով Թումանյանական «Վերնատան» հիմքի վրա, շուրջ հարյուր տարի անց նոր «Վերնատունն» այսօր միավորում է ոչ միայն 50-ից ավելի հայ գրողների, այլև գրական ձիրք ունեցող ավելի քան 30 պատանիների ու աղջիկների: Լույս է ընծայել 8 տարեգիրք, 6 «Զարթոնք» մանկապատանեկան ժողովածու, ավելի քան 100 հեղինակային գրքեր:
ՈՒՂԻՂ ԵԹԵՐ
Ամենադիտված 
«Գուստավ» ռեստորանի մենեջերը կանանց զուգարանում գաղտնի տեսանկարահանումներ է իրականացրել․ ՆԳՆ-ն ստուգում է տեղեկությունը
