Այսօր Մհեր Մկրտչյանի ծննդյան օրն է

Հուլիսի 4-ին Է ծնվել հայ անվանի դերասան, մեծ մտավորական Մհեր Մկրտչյանը: Նա այսօր կդառնար 82 տարեկան:

Ընդամենը 17 տարեկանում նա կարողացավ մտնել թատերական աշխարհ, գրավել հանդիսատեսի համակրանքը եւ ճանապարհ հարթել դեպի մեծ բեմեր, արդեն 23 տարեկանում սկսեց խաղալ Սունդուկյանի անվան թատրոնի բեմից: Բայց Մհերը չբավարարվեց միայն թատրոնով, խաղաց այնպիսի ֆիլմերում, կերտեց այնպիսի դերեր, որ ամբողջ ԽՍՀՄ ժողովուրդը սկսեց ծափահարել նրան: Գրեթե չկա մի հայ, որ Էկրանից տեսած չլինի նրա խաղը, նրա չբացահայտված տաղանդը, չսիրի նրա ստեղծած կերպարները (Արսեն, Գասպար, Իշխան, Հայրիկ, Ամիրո, Գրիգոր աղա եւ այլն):

Իսկ ինչպես գրում Է Հրանտ Մաթեւոսյանը.

- Իր համար ինքն էր գրելու և գրեց. բեմի վրա և բեմից դուրս՝ նրա գործն ու կյանքը նրա սեփական ու մեծ ստեղծագործությունն է: Շարունակվեր այդ ստեղծագործությունը՝ այսօր մեր միջավայրն այսքան խեղճ ու չար չէր լինի, շարունակվեր այդ կյանքը՝ աշխարհի համար մենք ավելի լավ կլինեինք, մեր հասակները մի քիչ ավելի բարձր, մեր աչքերը մի քիչ ավելի խելացի, մեր հոգիները թեթև և մեր սրտերը բաց կլինեին:

Մհեր Մկրտչյանը մահացել է 1993 թվականին։ Նրա ծննդավայր Գյումրիում գործում է Մհեր Մկրտչյանի տուն – թանգարանը։