«Հայկական ժամանակ». իսկական բողոք

Թերթը գրում է. «39-ամյա Վաչագան Իսոյանը նոյեմբերի 17-ին իր «Գազ-2410» մակնիշի ավտոմեքենայով ոչ թե պատահաբար է բախվել նախագահական նստավայրի դարպասին, այլ դա արել է որպես բողոքի նշան:

Այս մասին երեկ մեզ հայտնեց նրա մտերիմ ընկեր Հայկը: «Ինքը դա հասկանալով ա արել: Թեկուզ հարբած, բայց հասկանալով: Ինքը ուղղակի իր վրդովմունքն ա արտահայտել: Բողոքել ա իր սոցիալական ծանր վիճակի համար»,- պատմել է Հայկը և հավելել, որ մինչ օրս Իսոյանը փաստաբան չունի և հրաժարվում է ցուցմունքներ տալուց. «Մտածում ենք, որ փաստաբանի կարիքը չկա, որ մի հատ էլ պաշտպանվի: Ոչ թե ինքը հրաժարվել ա փաստաբանից, այլ ուղղակի դրա մասին մտածելու հերթը չի հասել»: Վ. Իսոյանը այժմ գտնվում է «Նուբարաշեն» ՔԿՀ-ում, միջադեպի հետ կապված նրան մեղադրանք է առաջադրվել խուլիգանության հոդվածով: Մեղադրանքի հաստատակամ դեպքում նրան սպառնում է մինչև 5 տարվա ազատազրկում: Ավելի վաղ լրատվամիջոցները հայտնել էին, որ միջադեպի ժամանակ նա գտնվել է ոգելից խմիչքի ազդեցության տակ և չի գիտակցել, թե ինչ է անում: Փաստորեն նրա արածը քաղաքացիական անհնազանդության ակցիա է»: