Կաթոլիկ եկեղեցու ֆինանսիստը 900 հազար դոլար է գողացել եկեղեցուց

Ֆիլադելֆիայի Հռոմի կաթոլիկ եկեղեցու նախկին ֆինանսական տնօրենը խոստովանել է, որ եկեղեցուց գողացել է ավելի քան 900 հազար դոլար։

Անիտա Գուզարդին իրեն մեղավոր է ճանաչել գողության, անօրինական համակարգչային ծրագրերի օգտագործման և փաստաղթերի կեղծման մեջ։ Ինչպես հաղորդում է Associated Press-ը՝ իր խոստովանությունը կինը կատարել է նախորդ ուրբաթ՝ հունիս 29-ին, սակայն այդ մասին հայտնի է դարձել այսօր։

Մեղադրյալների խոսքերով, Անիտա Գուզարդին 2005թ մինչև 2011թ բազմիցս օգտագործել է եկեղեցական կտրոնները սեփական հաշիվները փակելու համար։ Հետաքննության պատճառ է հանդիսացել American Express-ի հայցը իշխանության մարմիններին։

Գուզարդին աշխատել է Ֆիլադելֆիայի եկեղեցական թեմում 1989թ-ից։ Ըստ Reuters-ի հաղորդագրության՝ 2011թ հուլիս ամսին, երբ Գուզարդիի դեմ մեղադրանք է ներկայացվել, նա չի ընդունել իր մեղքը և հեռացվել է ֆինանսական տնօրենի պաշտոնից։

Ինչպես հայտնել է նրա փաստաբան Լուի Բուսիկոն՝ այժմ Անիտա Գուզարդին լիովին խոստովանել է իր մեղքը և պատրաստ է հատուցել եկեղեցուն հասցրած վնասը։ Մեղադրյալները հայտարարել են, որ Գուզարդին արդեն վերադարձրել է եկեղեցուն 250 հազար դոլար։ Դատական վճիռը նշանակված է 2012 թ. օգոստոսի 24-ին։ Անիտա Գուզարդիին սպասվում է 21 տարվա ազատազրկում, սակայն համաձայն ԱՄՆ-ի Դաշնային ղեկավարության՝ ժամկետը կարող է կրճատվել։