Արևմուտքը Ռուսաստանին համոզում է քաղաքական ապաստան տրամադրել Բաշար Ասադին. «Կոմերսանտ»

Արևմուտքը Մոսկվային համոզում է Սիրիայի նախագահ Բաշար Ասադին հրավիրել Ռուսաստան և քաղաքական ապաստան տրամադրել, թեև Մոսկվան մտադիր է չէ այդ քայլին գնալ, գրում է «Կոմերսանտ» թերթը՝ վկայակոչելով իր դիվանագիտական աղբյուրներին։

«Արևմտյան երկրները, առաջին հերթին՝ ԱՄՆ–ը, ակտիվ ջանքեր են գործադրում Մոսկվային համոզելու ուղղությամբ, որպեսզի վերջինս Սիրիայի նախագահին քաղաքական ապաստան տրամադրի»,– գրում է թերթը՝ վկայակոչելով իր աղբյուրին։

Միևնույն ժամանակ, թերթի աղբյուրը նշել է, որ Ռուսաստանը նման մտադրություն չունի։
«Մենք Ասադին վերցնելու մտադրություն չենք ունեցել և այժմ էլ այն գոյություն չունի», – ասել է նա։ 

Մարտին, Ռուսաստանի Արտաքին գործերի նախարար Սերգեյ Լավրովը հայտարարել էր, որ Մոսկվան մտադիր չէ Ասադին քաղաքական ապաստան տրամադրելու առաջարկ անել։ Թերթի արևմտյան երկրներից մեկի դիվանագիտական աղբյուրը ոչ հերքել է, ոչ էլ հաստատել Մոսկվայի կողմից արված նման հրատապ առաջարկությունը։

ՄԱԿ–ի Անվտանգության խորհրդի մշտական անդամ 5 երկրները, այդ թվում՝ Ռուսաստանը, ինչպես նաև մերձավորարևելյան երկրները և միջազգային կազմակերպությունների ներկայացուցիչներ հունիսի 30–ին Ժնևում քննարկել են Սիրիայի խնդրի կարգավորման սկզբունքերի վերաբերյալ մի շարք հարցեր։ Համաժողովի մասնակիցները Սիրիայի հարցով ՄԱԿ–ի և ԱՊԼ–ի հատուկ բանագնաց Քոֆի Անանի մախաձեռնությամբ առաջարկել են Սիրիայում ազգային միասնության կառավարություն ստեղծել իշխանության և ընդդիմության, ինչպես նաև քաղաքացիական հատվածի ներկայացուցիչներից։

Սիրիայում ավելի քան մեկ տարի է՝ բռնությունները չեն դադարում։ ՄԱԿ–ի տվյալներով, զոհերի թիվը գերազանցում է 12 հազարը։ Սիրիայի իշխանությունը հայտարարել է, որ զինված ընդդիմության հետ բախումների ընթացքում զոհվել է 2.5 հազար զինծառայող և անվտանգության ուժերի ներկայացուցիչ։