Ամուսինը սպանել է սեփական կնոջը

Հուլիսի 3-ին ժամը 10.30-ին Աղավնաձոր գյուղի Առողջության կենտրոնից ոստիկանության Եղեգնաձորի բաժնում ահազանգ է ստացվել, որ Աղավնաձոր գյուղում սպանություն է կատարվել:

Դեպքի վայր մեկնած օպերատիվ խումբը պարզել է, որ հուլիսի 3-ին՝ ժամը 09.30-ի սահմաններում, Աղավնաձոր գյուղում տանը վիճաբանության ժամանակ 1962 թ. ծնված Յուրիկ Բաբայանը ծեծի է ենթարկել կնոջը' 1962 թ. ծնված Անահիտ Բաբայանին, դիտավորյալ փայտով հարվածել գլխին և պատճառել մահ:

Յուրիկ Բաբայանը ձերբակալված է: Կատարվում է նախաքննություն: