«Չորրորդ ինքնիշխանություն». Տիգրան Սարգսյանը դժգոհել է նախարարական կորպուսից

Ըստ պտտվող լուրերի, երեկ՝ օրվա երկրորդ կեսին, իր ոլորտի անվիճելի առաջատար Տիգրան Սարգսյանը հանդիպել է «շեֆերին» ու նրանց մոտ մի լավ դժգոհել նախարարական կորպուսից: ՀՀ վարչապետ Տիգրան Սարգսյանը սկգբում շտապել է հանդիպել իր պաշտելի հովանավոր Ֆլեշ Բարսեղին'Բարսեղ Բեգլարյանին ու նրա հետ ունեցած երկարատև զրույցի ընթացքում խիստ գանգատվել այն հանգամանքից, որ նախարարներն այլևս անկառավարելի են դառնում և որ ճիշտ կլինի թեկուզ հենց այս պահին նրանցից մի քանիսին պաշտոնանկ անել:

Ավելին, Սարգսյանն անգամ նրանց փոխարինողների տարբերակն է առաջ քաշել, այն է՝ նախարարներից ոմանց փոխել իրենց ոլորտի տեղակալներով, որպեսզի ՀՀԿ-ն 2013-ին ձայների կորուստ չունենա: Վարչապետ Սարգսյանը նաև խոր ափսոսանք է հայտնել այն առիթով, որ ինքը սրանից մի որոշ ժամանակ առաջ լավ-լավ բաներ է ասել այսօր իրենց շատ վատ դրսևորող նախարարների մասին:

Նույն լուրերի համաձայն, ասում են, որ վարչապետ Սարգսյանը իր դժգոհությունները մեկ առ մեկ հնչեցրել է նաև Բաղրամյան 26-ում՝ պարզ բացատրելով, որ իր համար ընդունելի չէ որոշ նախարարների վարքագիծը:

Իսկ թե կոնկրետ ո՞ր նախարարների ուղղությամբ է վարչապետը նշան բռնել և թե այս «օպերացիայի» ընթացքում կոնկրետ հարվածը ում կհասնի՝ թերթը խոստանում է ներկայացնել առաջիկայում: