«Չորրորդ ինքնիշխանություն». Որոշում են կայացրել առաջիկա ՏԻՄ ընտրությունների հետ կապված
Հայկական Մամուլ
Նախօրեի երեկոյան Աժ պատգամավոր Աշոտ Արսենյանին` Քլոսին պատկանող «Արմենիա» առողջարանային համալիրում հավաքված են եղել ՀՀԿ Էլիտային պատկանող կարկառուն դեմքեր:
«ՉԻ»-ին հասած տեղեկությունների համաձայն, իրենց աշխատանքից «հոգնած» ՀՀԿ-ականները «Արմենիայում» են տեղավորվել ոչ թե հանգստանալու ու ձեռքի հետ էլ մի թեթևակի բուժման «կուրս» ընդունելու համար, այլ իրար գլխի են հավաքվել՝ կոնկրետ որոշումներ կայացնելու նպատակով: Նախ պատգամավոր Արսենյանը, վերջինիս եղբայրները, Վայոց Ձորի նորանշանակ մարզպետ, Քլոսի «ենթակա» Էդգար Ղազարյանը, ինչպես նաև Ջերմուկի քաղաքապետ Վարդան Հովհաննիսյանը և այլոք որոշում են կայացրել առաջիկա ՏԻՄ ընտրությունների հետ կապված:
Այս գործի «հրամանատար» Աշոտ Արսենյանը բոլորին մեկիկ-մեկիկ բացատրել է, որ նրանք ամեն ինչ պետք է անեն, որպեսզի Սյունյաց մարզում հաղթանակ տանեն բացառապես մարզպետ Սուրեն Խաչատրյանի՝ Լիսկայի հովանավորյալներն ու «մոտիկները»: Միևնույն ժամանակ Արսենյանը նշել է, որ մարզպետի հաղթանակը ՀՀԿ-ի և բոլորի հաղթանակն է, և որ հաղթանակից բացի չպետք է թույլ տալ, որպեսզի այլ կուսակցություններ ու քաղաքական թիմեր ՀՀԿ-ից առաջ անցնեն ու իրենց լավ զգան:
ՈՒՂԻՂ ԵԹԵՐ
Ամենադիտված 
Սուրեն Պապիկյանը պաշտոնից ազատել է «համացանցի հիթ» դարձած վարչության պետին
