Վարդան Պետրոսյանը՝ «Հարսնաքարի» մասին

Անդրադառնալով «Հարսնաքարում» տեղի ունեցածին՝ լրագրողների հետ հանդիպման ժամանակ դերասան, բեմադրիչ Վարդան Պետրոսյանն ասաց, որ հիմնական պատճառը տեսնում է ամենաթողության մեջ:

«Նախկինում, երբ ներկայացումներ էին լինում, թատրոնում հրավիրվում էին նաև ոստիկաններ, որոնք կվնասազերծեին վտանգավոր մարդկանց: Նրանք իրավունք չունեին պատժել տվյալ անձին, դաստիարակչական աշխատանքներ էին անցկացվում, և իրավախախտին դուրս էին հրավիրում: Կարևորն այն է, որ այդ տղաները հաստավիզ չէին, իսկ այսօր դրա հակառակն է տեղի ունենում: Անգամ Ռուբեն Հայրապետյանը եթերում հայտնել է, որ դա իր քաղաքականության ձևն է:

Զարգացած երկրներում դժվար թե այնպիսի դեպք պատահի, ինչպիսին եղավ «Հարսնաքարում»:

Այսօր, եթե ձեռք են բարձրացնում զինվորականի վրա, վաղը կարող է այդ նույն ձեռքը բարձրանա նախագահական: Այսօր մեր երեխաները սերիալներում տեսնում են անպատիժ հաստավիզների, դրա համար էլ ուզում են դառնալ անպատիժ թիկնապահ:»,- ասել է դերասանը։