Բովանդակությունը լավն է, ձևը՝ սարսափելի. Սերգեյ Դանիելյան

Դերասան Սերգեյ Դանիելյանն այսօր լրագրողների հետ հանդիպման ժամանակ խոսեց հեռուստաեթերի մաքրման վերաբերյալ տեղի ունեցող իրադարձությունների մասին: Դերասանը զարմանքն է արտահայտում, թե ի՞նչ ասել է մաքրել եթերը, ո՞ր եթերի մասին է խոսքը, և արդյո՞ք այդ հարցով պետք զբաղվի երկրի նախագահը:

Մաքուր եթերի մասին պետք է միայն մտածի Հանրային հեռուստաընկերությունը, քանի որ մենք աշխատում ենք, իսկ նա դոտացիա է ստանում: Մնացած հեռուստաեթերների համար պետք է պարզապես ստեղծել որոշակի սահմանափակումներ, դրանք կարող են վերաբերել, թե քանի անգամ է կարելի արյուն ցույց տալ, ծխել եթերում, ոչ թե սերիալներին, ֆիլմերին և գովազդին:

Սերգեյ Դանիելյանի կարծիքով, սա մի յուրօրինակ քաղաքականություն է, որն ուղղված է «Շանթ» հեռուստաընկերության դեմ: Դերասանը նկատում է, որ նման խոսակցություններ տարածվել են «Որոգայթ» սերիալի դեպքում, երբ ռեյտինգը ամենաբարձրն էր համարվում, և այսօր՝ «Անծանոթը» սերիալի բարձր ռեյտինգի ժամանակ:

Եթերի մաքրման համար դերասանի կարծիքով պետք է ստեղծվի պրոֆեսիոնալների կազմով հատուկ հանձնաժողով, ոչ թե մի քանիսը որոշեն նամակ ուղղել երկրի նախագահին: Դրանով խնդիրը ճիշտ լուծում չի կարող ստանալ, քանի որ բովանդակությունը լավն է, ձևը՝ սարսափելի: