Ունենք երկու կարևորագույն խնդիր

Սահմանադրական դատարանի անդամ, պրոֆեսոր Ֆելիքս Թոխյանի պնդմամբ, մենք այսօր ունենք երկու կարևորագույն խնդիր, որոնց չլուծվելու դեպքում տնտեսությունը չի զարգանա, չեն լուծվի սոցիալական խնդիրները։

Դրանցից առաջինը դատական համակարգի խնդիրն է, որի լուծման համար կա ծրագիր, սակայն արդյունավետ չեն տարվում աշխատանքները։

Երկրորդը տեղական ինքնակառավարման համակարգի կայացման խնդիրն է։ Պետության նկատմամբ հարգանքը ձևավորվում է տեղական ինքնակառավարման մարմինների աշխատանքից։

«Երբեմն ասում ենք՝ երկիրը երկիր չէ. սա, միանշանակ, ընդունելի չէ, սակայն հարցը սկսվում է այդտեղից։ Համայնքից է սկսվում, համայնքի իշխանության մարմինների հետ քո առօրյա շփումից է սկսվում և այնտեղից է գալիս այդ վրդովմունքը։»