Օբաման ԱՄՆ-ի քաղաքացիություն է շնորհել 25 զինծառայողի

ԱՄՆ-ի նախագահ Բարաք Օբաման հուլիսի 4-ին՝ անկախության օրը, մասնակցել է զինծառայող փախստականներին ԱՄՆ քաղաքացիություն շնորհելու հանդիսավոր արարողությանը։ Այս մասին նշվում է Սպիտակ տան տեղադրած հաղորդագրության մեջ։

Իր ելույթի ժամանակ Օբաման ընդգծել է, որ «ԱՄՆ-ն այն երկիրն է, որտեղ քաղաքացիներին կապում է ոչ թե էթնիկ կամ տոհմական ծագումը, այլ հավատարմությունն ընդհանուր գաղափարի շուրջ»։

Օբաման նաև հիշեցրել է, որ նրանց օգնությամբ է, որ ԱՄՆ-ը կարողացել է հաղթանակ տանել ֆաշիզմի դեմ և սառը պատերազմում։ Ինչպես հաղորդում է ABC News-ը, ԱՄՆ-ի քաղաքացիություն է ստացել 25 զինծառայող 17 երկրից։