Մարսի վրա անսովոր խառնարան են գտել

Եվրոպական տիեզերական ընկերությունը հրապարակել է մարսյան խառնարաններից մեկի լուսանկարը, որի շրջակայքում առկա է անսովոր հեղուկանման արտանետման գոտի։ Լուսանկարին (այդ թվում՝ տարածական) կարելի է ծանոթանալ ընկերության կայքում։

Այն ստացվել է եվրոպական Mars Express տիեզերական սարքի օգնությամբ 2012 թվականի ապրիլի 17-ին։ Աստղագետների ուշադրությունը գրաված խառնարանը գտնվում է Արեգակնային համակարգի ամենախոշոր կիրճից՝ Մարիներյան հովտից 250 կմ հարավ։

Խառնարանի տրամագիծը 16 կմ է։ Նրա շուրջը կարելի է տեսնել արտանետման ասիմետրիկ գոտի, որն ունի հեղուկանման նյութի դուրսհորդման հատկանշական ձև։ Գիտնականները գտնում են, որ անսովոր տեսք արտանետումը ստացել է տեղում մոլորակի մակերևույթին երկնաքարի հարվածից անջատված էներգիայի արդյունքում ենթամակերևութային սառած ջրի հալման արդյունքում։ Այսպիսով, լուսանկարը խոսում է հօգուտ Կարմիր մոլորակի ընդերքում ջրի մեծ քանակության առկայության, համենայն դեպս՝ հարվածի դարաշրջանում։

Mars Express տիեզերական սարքը թողարվել է 2003 թվականին Բայկանուր տիեզերակայանից։ Բացի մեծ լուծունակությամբ տեսախցիկներից, այն հագեցած է նաև իոնոսֆերային ռադարով, ինֆրակարմիր և ուլրտրամանուշակագույն սպեկտրոմետրերով։