Սիրիան պատրաստ է «բուֆերային գոտի» լինել. "Euronews"
Մերձավոր Արևելք
Նոյեմբերի 24-ին Կահիրեում Արաբական երկրների լիգայի արտակարգ նիստ է գումարվել՝ քննարկելու Ասադի ռեժիմի վրա նոր սանկցիաներ կիրառելու և քաղաքական ճնշումը ավելացնելու վերաբերյալ հարցեր։
Անցած երկու օրերի ընթացքում Սիրիայի անվտանգության ուժերի կողմից սպանվել է մոտ 40 մարդ։ Իրավիճակը գնալով ավելի է վատթարանում։ Սպասվում է, որ հանդիպման ընթացքում կքննարկվի նաև սիրիացի փախստականների համար հումանիտար անվտանգ գոտիներ ստեղծելու մասին հարցերը։ Ինչպես նաև կքննարկվի ՄԱԿ–ի ԱԽ–ում դրվելիք՝ Սիրիայի խաղաղ բնակչության պաշտպանությանն ուղղված հարցի քննարկումը։ Սիրիայի ընդդիմությունը ողջունել է բուֆերային գոտիներ ստեղծելու Արաբական երկրների լիգայի մտադրությունը։
«Մենք ցանկանում ենք ստեղծել բուֆերային գոտիներ, որը թույլ կտա մեզ ավելի ուժեղ լինել և լուրջ հակահարված հասցնել Սիրիական բանակին», – հայտնել են ընդդիմության ներկայացուցիչները։
Պաշտոնական Դամասկոսի վրա ճնշումները գնալով ավելանում են։ Ավելի վաղ Թուրքիայի վարչապետ Ռեջեփ Թայիփ Էրդողանը կոչ էր արել Սիրիայի նախագահ Բաշար ալ-Ասադին որքան հնարավոր է շուտ հրաժարական տալ և խուսափել հետագա արյունահեղություններից։ Իսկ երեկ Ֆրանսիան հայտարարել է, որ Սիրիայի ընդդիմության Ազգային խորհրդին ընդունում է որպես օրինական գործընկեր։
ՈՒՂԻՂ ԵԹԵՐ
Ամենադիտված 
Սոչի մեկնող ինքնաթիռը ճանապարհին անցկացրել է մեկ օր, սակայն տեղ չի հասել
