Շվեյցարացի փորձագետները Արաֆաթի ներքնաշորերի մեջ թունավոր նյութեր են հայտնաբերել

Քաթարյան «Ալ Ջազիրա» հեռուստաընկերությունը խնդրանքով դիմել է շվեյցարական ռադիոֆիզիկայի Ինստիտուտին, որպեսզի վերջինս փորձագիտական զննման ենթարկի Պաղեստինյան հանգուցյալ առաջնորդի ներքնաշորերը, որոնցից նա օգտվել է իր կյանքի վերջին օրերին։ Ինստիտուտի տնօրեն Ֆրանսուա Բոշուն շվեյցարական Tages anzeiger-ի հետ հարցազրույցում ասել է, որ ռադիոակտիվ նյութեր են հայտնաբերվել Յասեր Արաֆաթի ներքնաշորերի մեջ։ Արաֆաթի անձնական իրերը ուսումնասիրելով՝ փորձագետները հայտնաբերել են մի շարք տարրեր, այդ թվում նաև՝ Պոլոնիում-210։ Ինչպես նշում է Բոշուն. «որևէ բան հաստատել դեռ վաղ է։ Սակայն մեզ հաջողվեց հայտնաբերել Պոլոնիում-210-ը այն իրերի վրա, որտեղ քրտինքի կամ արյան հետքեր կային, իսկ ամենաբարձր կոնցետրացիան հայտնաբերվել են նրա ներքնաշորերում»։ Գիտնականը ընդգծում է, որ թունավորումը ապացուցելու միակ միջոցը՝ դա արտաշիրմում անցկացնելն է։