1915թ. հուլիսի 7-ն սպանվել է Գրիգոր Զոհրապը

1915թ. հուլիսի 7 - Թուրք ջարդարարների կողմից սպանվել է հայ նշանավոր գրող, քաղաքագետ, փաստաբան և բարեգործ Գրիգոր Զոհրապը:

Զոհրապը 1914 թվականին Թուրքիայի Ազգային ժողովում բարձրացրեց հայկական բարեփոխումների հարցը և այս կապակցությամբ դիմեց եվրոպական տերություների միջամտությանը։ Այնուհետև Ռուսաստանի և Թուրքիայի միջև ստորագրվում է հայկական բարեփոխումների վերաբերյալ համաձայնագիրը, որը Թուրքիայում արևմտահայերի համար ապահով կյանքի երաշխիքն էր։ Այդ գործում Զոհրապի մասնակցությունը վճռական էր։ Սակայն սկսվում է Առաջին համաշխարհային պատերազմը, և համաձայնագիրը մնում է թղթի վրա։

Գրիգոր Զոհրապի ստեղծագործություններից են՝ «Անհետացած սերունդ մը», «Նարդիկ» վեպերը, «Ճիտին պարտքը», «Երջանիկ մահը», «Զաբուղոն» նովելները:

Նրա խմբագրությամբ է լույս տեսել «Մասիս» օրաթերթը, միաժամանակ զբաղվել է փաստաբանությամբ։ Պոլսում Զոհրապը որպես իրավաբան-փաստաբան հայտնի էր հատկապես օտարահպատակներին, քանի որ տիրապետելով ֆրանսերենին՝ շատ հաճախ պաշտպանում էր նրանց գործերը Թուրքիայի առևտրական առաջին դատարանում։ Զոհրապը Պոլսի ռուսական դեսպանատան թարգմանիչն էր ու իրավագետ-խորհրդականը։ Օգտվելով այդ հանգամանքից՝ ռուս օտարահպատակների դատեր էր վարում և ուներ Եվրոպա ազատորեն երթևեկելու իրավունք։

Սակայն շուտով Զոհրապին ևս ձերբակալում են։ Նրան էլ սպասվում էր նույն դաժան ճակատագիրը, ինչպես մեր միլիոնավոր տարաբախտ հայրենակիցներին