Հեռուստատեսություն շատ ունենք, հատկապես՝ ավելորդ. Գագիկ Գինոսյան

Հեռուստատեսությունների վարած քաղաքականությանն այսօր լրագրողների հետ հանդիպման ժամանակ անդրադարձավ նաև «Կարին» ավանդական պարի-երգի խմբի հիմնադիր և գեղարվեստական ղեկավար Գագիկ Գինոսյանը։

Խնդիրը լայն սպեկտոր ունի և միակողմանի լուծում հնարավոր չէ տալ. կա հեռուստատեսությունների վատ աշխատանք, կա ազգային մշակույթի վատ լուսաբանում, կան ֆինանսական լուրջ խնդիրներ, որոնք լուծելու դեպքում միայն հնարավոր է զարգացնել հայկական մշակույթը։ Հաճախ ներդրումներ կատարվում են ոչ ազգային մշակույթին, այլ «չմշակույթին» վերաբերող հաղորդումներին։ Այսօր մենք հեռուստատեսություն շատ ունենք, հատկապես՝ ավելորդ,- նշում է Գագիկ Գինոսյանը։

Գինոսյանը կարծում է, որ երկրում տեղի ունեցող կառավարական համերգներում պետք է չցուցադրվի ցածրորակ և ապազգային մշակույթ, երկրի մշակութային քաքականությունը, պետական հովանավորչությունը բացառապես պետք է ուղղված լինի ազգային մշակույթին, բարձրաճաշակին։ Սխալ է, երբ պետական գումարներով նկարում ենք «Տաքսի էլի լավա» կամ նմանաիտպ այլ պրոյեկտներ, որոնք բացի դեգրադացումից, ոչ մի այլ տեղ չեն տանում հայ հասարակությանը։ Պետք է փոխվեն և հստակեցվեն հեռուստաընկերություննրի չափորոշիչները։ Պարբերաբար պետք է եթեր գնան ճաշակ սերմանող, ազգային մոտեցում ունեցող հոգեկերտվածքով հաղորդումներ, տեսահոլովակներ։

Որտեղ աղավաղվում է հայոց լեզուն, պետությունը չպետք է հովանավորի, մեր ղեկավարությունը չպետք է ծափ տա ռաբիսին։ Կառավարական համերգներին պետք է լինի նախ և առաջ Կոմիտաս, հետո նոր զարկ տալ մնացածին։ Պետությունը գերխնդիր ունի սերունդ դաստիարակելու, հայ քաղաքացի դաստիարակելու, իսկ նախընտրական քարոզարշավներին ոչ մեկի շութերից դա չհնչեց։