Կիմ Չեն Ինը հրապարակային միջոցառմանը ներկայացել է անծանոթ կնոջ հետ

Հյուսիսային Կորեայի նախագահ Կիմ Չեն Ինը իր պապ՝ Կիմ Իր Սենի մահվան տարելիցի կապակցությամբ կազմակերպված միջոցառմանը ներկայացել է 20-30 տարեկան անծանոթ կնոջ հետ,- հաղորդում է France-Presse–ը։ 

Անծանոթ կինը Կիմ Չեն Ինին ուղեկցել է հուլիսի 8–ին պաշտոնյաների հետ Կիմ Իր Սենի հիշատակին նվիրված միջոցառումների ժամանակ։ Կորեական ԶԼՄ–ները նշել են, որ կինը հնարավոր է հիշատակի արարողությունների շրջանակում կազմակերպված համերգի կազմակերպիչներից է։ Թեև որոշ ԶԼՄ–ներ նշել են, որ հնարավոր է նա Կիմ Չեն Ինի քույրը՝ Կին Յո Չենը լինի, կամ նրա կինը, կամ էլ նրա սիրուհին։ 

Ինչպես հաղորդել է Korea JoongAng Daily–ն` Կիմ Չեն Ինին ուղեկցած կինը նախկինում երգչուհի է եղել, ով անսպասելի դուրս է եկել երգի ասպարեզից և վերջին անգամ եթերում հայտնել է 2012–ի մարտին։ Ըստ հարավկորեական թերթի` երգչուհին ամուսնացած է, թեև որոշ ԶԼՄ–ներ նախկինում գրել են, որ Կիմ Չեն Ինի հետ սիրավեպ է ունեցել։ 

Հյուսիսային Կորեան պաշտոնական մեկնաբանություն չի տվել այդ առնչությամբ։ Կիմ Չեն Ինի անձնական կյանքի մասին որևէ տեղեկություն հայտնի չէ, ինչպես նաև հայտնի չէ նրա կրտսեր քրոջ` Կիմ Յո Չենի գտնվելու վայրի մասին։