Քամբերբեթչը ցույց է տվել, թե ինչպես պետք է արձագանքել սարսափելի նվերներին (տեսանյութ)
ԹուրքիաԴերասանը հանդիսականներին բացատրել է, որ չի կարելի ընկերներին նեղացնել, նույնիսկ եթե նրանց նվերները զզվելի են ու անօգտակար:
Բրիտանացի դերասան Բենեդիկտ Քամբերբեթչը ցույց է տվել, թե ինչպես պետք է արձագանքել Ծննդյան տոների սարսափելի նվերներին: Տեսահոլովակը հրապարակված է YouTube-ում: Տեսահոլովակի հեղինակները դերասանին առաջարկել են բացել Ծննդյան տոների ամենաանօգտակար նվերներով մի քանի փաթեթներ եւ ջանալ չմատնել իր հիասթափությունը: «Օհո՜, ես միշտ կիսագուլպաների կարիք ունեմ: Իդեալակա՜ն է: Իմ սիրած գու՛յնն է»,- նշել է Քամբերբեթչը՝ փաթեթից հանելով դասական համապտիանի նվերը:- Հոգյա՜կս: Դու պարզապես իմ հադերձապահարանային փերին ես»:
Դերասանը հրճվանք է ապրել մոմից, թեյնիկից, Excel-ի հանրագիտարանից, միկրոալիքային վառարանի համար բաղադրատոմսերի գրքից: Սակայն որոշ նվերներ, այնուամենայնիվ, կարողացել են զարմացնել նրան: Այսպես, Քամբերբեթչը չի կարողացել իրեն զսպել եւ «նվիրատուին» ազնվորեն ասել է, որ երբեք չի հագնի այլանդակ կարմիր մարզաշապիկը:
Տեսահոլովակի ավարտին դերասանը հիշեցրել է, որ անկախ նվերից, անհրաժեշտ է հիշել, որ դրա տակ միշտ որեւիցե իմաստ է թաքնված, իսկ մարդիկ ջանում են առատաձեռն լինել:
ՈՒՂԻՂ ԵԹԵՐ
Ամենադիտված 
Դերասանին մեղադրում են մանկապղծության մեջ․ նա ձերբակալվել է
