Գյուլի հայտարարությունը մեկնաբանեց Կիրո Մանոյանը

Այսօր «Փաստարկ» մամուլի ակումբում կայացած ասուլիսի ժամանակ հայ-թուրքական արձանագրությունների և Թուրքիայի պաշտոնյաների հայտարարությունների վերաբերյալ մեկնաբանություներ կատարեց ՀՅԴ Հայ դատի և քաղաքական հարցերի գրասենյակի ղեկավար Կիրո Մանոյանը։

Գյուլի հայտարարության վերաբերյալ, թե արձանագրություններն սառած են, բայց մեռած չեն, Կիրո Մանոյանն ընդգծեց, որ նպատակ էր հետապնդում ցույց տալ, թե իբր կա որոշակի գործընթաց, և դրդել Հայաստանին, որպեսզի վերջինս իր ստորագրությունն ետ չվերցնի արձանագրություններից: Բանախոսը հավելեց, որ Հայաստանը չպետք է տեղի տա նման հայտարարություններին և պետք է օր առաջ ետ վերցնի իր ստորագրությունը: