«168 Ժամ». ՀՀԿ գրասենյակում բուռն շինարարություն է ընթանում

ՀՀԿ-ի կենտրոնական գրասենյակը տեղափոխվել է կուսակցության Կենտրոն կառույցի տարածք: Կուսակցության փոխնախագահներն ու բոլոր մյուս պատասխանատուները հանգրվանել են «Երևան-նախագիծ ինստիտուտի» շենքում գտնվող կառույցում: Իսկ այս օրերին բուռն շինարարություն է ընթանում կենտրոնական մասնաշենքում:

Թերթը հիշեցնում է, որ մայիսի 22-ին հրդեհվել էր այդ շենքի տանիքը: Հրդեհը մարելու համար հրշեջների բաց թողած ջուրը վնասել էր շենքի պատերը, հատակն ու կտուրը: Եվ այժմ կուսակցությունը կապիտալ վերանորոգում է իրականացնում հին շենքի 3 հարկերում: Բացի այդ, շենքի հարևանությամբ կառուցվում է նաև կուսակցության նոր մասնաշենքը:

ՀՀԿ մամլո խոսնակ Էդուարդ Շարմազանովի փոխանցմամբ` կուսակցության գրասենյակի շինարարական աշխատանքները կավարտվեն աշնանը: Իսկ մինչ այդ ՀՀԿ-ն որտե՞ղ է անցկացնելու գործադիր մարմնի կամ խորհրդի նիստերը, Է. Շարմագանովն ասել է, թե դրանք կանցկացվեն կուսակցության բազմաթիվ գրասենյակներից մեկում: