Հարմար տարբերակ են գտել...
Վերլուծական
Այսօր լրանում է Սպիտակի ավերիչ երկրաշարժի 30-րդ տարելիցը: Ցավով պետք է նշել, որ անգամ 30 տարի անց աղետի գոտի ամոթալի հասկացությունը դեռևս գոյություն ունի, դեռևս տեղ ունի մեր և հատկապես՝ ավերիչ երկրաշարժը վերապրածների առօրյայում: Հայաստանում թավշյա հեղափոխությունից հետո իրավիճակ է փոխվել, իշխանություն է փոխվել և կարծես թե պետք է փոխվեր նաև մոտեցումը հարցի լուծման վերաբերյալ: Այսօր կառավարության անդամները Գյումրիում արտագնա նիստ անցկացրին, որից հետո մասնակցելու են երկրաշարժի 30-ամյակին նվիրված միջոցառումներին:
Կառավարության նիստի ընթացքում այդպես էլ չհնչեց աղետի գոտու վերակառուցման մասին որևէ տեսլական, ռազմավարություն: Ակնհայտ դարձավ, որ նոր կառավարությունը անգամ պատկերացում չունի աղետի գոտու հստակ սահմանման վերաբերյալ: Իհարկե, կարող են պնդել, որ դա նախորդ իշխանությունների թերացումն էր, սակայն արդեն 7 ամիս է Հայաստանում իշխանությունը գտնվում է Քաղաքացիական պայմանագիր կուսակցության ձեռքերում: Միթե՞ այս 7 ամիսը բավարար չէր առնվազն սահմանումը ձևակերպելու համար, չէ որ առանց հիվանդության հստակ ախտորորշման հնարավոր չէ պայքարել այդ հիվանդության հետևանքների վերացման դեր: «Իմ Քայլը» դաշինքի նախընտրական ծրագրում այդպես էլ տեղ չեն գտել մարզերի զարգացման մասին իշխանական թիմի պատկերացումները, աղետի գոտու վերակառուցման մասին խոսք անգամ չկա:
Այսինքն՝ քաղաքական ուժը հավակնում է գալիք հինգ տարիների ընթացքում ստանձնել երկրի կառավարման ղեկը, մինչդեռ առանցքային խնդիրներից մեկը նրա ծրագրում պարզապես աչքաթող է արվել: Իրականում սա շատ հարմար է, երբ հստակ չես ֆիքսում անելիքդ, հետագայում շատ հեշտ է ասել՝ գումար չկա, և ընդհանրապես մենք նման ծրագիր չունեինք…Մնում է հուսալ, որ ընտրություններից հետո արդեն նոր իշխանությունները հասարակությանը կներկայացնեն աղետի գոտու վերականգնման իրենց ռազմավարությունը, հակառակ դեպքում, ցավոք, պետք է նշենք, որ դոմիկներում ապրող հազարավոր մեր քաղաքացիների համար իրավիճակ այդպես էլ չի փոխվելու…
ՈՒՂԻՂ ԵԹԵՐ
Ամենադիտված 
Այնթափի դպրոցը սգում է աշակերտուհու մահը
