Արմավիան հրաժարվում է Superjet–ից և նախընտրում է Airbus և Boeing ինքնաթիռները

Հայաստանի ազգային ավիափոխադրող «Արմավիա» ավիաընկերությունը որոշել է Airbus և Boeing տեսակի ինքնաթիռներ ձեռք բերել։

«Արմավիայի» ղեկավարությունը, որը ներկայումս գտնվում է Ֆարնբորոյի (Մեծ Բրիտանիա) միջազգային ավիասալոնում, ավիաշոուի առաջին օրը հանդիպել է Airbus և Boeing ընկերությունների ներկայացուցիչների հետ։ Արդյունքում որոշում է կայացվել ձեռք բերել Airbus և Boeing տեսակի ինքնաթիռներ։ Ավիաընկերության ներկայացուցիչը նշել է, որ գործարքը կկայանա ավիաշոուի ավարտից հետո։ 

Արմավիան Airbus և Boeing ինքնաթիռները ձեռք է բերում ռուսական արտադրության SSJ-100-ի փոխարեն՝ հաշվի առնելով դրանց արդյունավետությունն ու շահութաբերությունը,-հաղորդում է Interfax–ը։

Նախօրեին տեղեկատվություն էր ստացվել, որ ընկերությունը մտադիր չէ ձեռք բերել Sukhoi Superjet-100 երկրորդ ինքնաթիռը։ Ըստ ազգային ավիափոխադրողի մամուլի քարտուղար Նանա Ավետիսովայի՝ «Արմավիան» և «Սուխովոյի քաղաքացիական ինքնաթիռները» ՓԲԸ-ն չեն կարողացել փոխզիջման գալ։