Կեղծ փոստատարը 10 րոպեում երկու բանկ է թալանել

Փոստատարի հագուստ հագած կեղծ փոստատարը 10 րոպեում 2 բանկ է թալանել Նյու Յորքի Քվինս շրջանում,-հաղորդում է The New York Post–ը։

Որևէ կասկած չառաջացնելով՝ հանցագործն այցելել է Նյու Յորքի 164-րդ փողոցի Capital One բանկի մասնաճյուղ և գանձապահին ներկայացրել գումար կանխիկացնելու կտրոն։ Կասկած չառաջացնելու համար զեղծարարը ցուցադրաբար ատրճանակն ամրացրած է եղել գոտկատեղին։  

Գանձապահը ռիսկի չի դիմել՝ հանցագործին տալով մոտի եղած կանխիկ գումարը, ով անմիջապես այն վերցրել և հեռացել է։ 

Մոտ 10 րոպե անց նման դեպք է արձանագրվել առաջին դեպքից մի քանի թաղամաս այն կողմ՝ «Մեյն–Սթրիթ» փողոցում։

Այդտեղի գանձապահի մոտ նույնպես կասկած չի առաջացրել կեղծ փոստատարը և ստանալով պահանջած գումարը՝ հեռացել է։

Զեղծարարի գողոնի չափն արդեն հայտնի է։ Ոստիկանությունը հանցագործին ձերբակալելու գործողություններ է ձեռնարկել։