Փաշինյանը չկարողացա՞վ, թե՞ չցանկացավ կոտրել մենաշնորհի «ողնաշարը»

 

Մինչդեռ Տնտեսական մրցակցության պաշտպանության հանձնաժողովի հաշվետվություններից պարզ է դառնում, թե ինչպես է փոխվել մենաշնորհային համարվող զանգվածային սպառման մի քանի ապրանքների շուկաներում գործող ընկերությունների թիվը։ Ըստ այդմ, փոփոխությունը սկսվել է դեռևս 2015 թվականից՝ Հայաստանի՝ ԵԱՏՄ անդամակցությամբ պայմանավորված: Բացի այդ, մոնոպոլիայի հետ այս կամ այն կերպ առընչվող ապրանքների շուկաներում ընկերությունների ընդհանուր թիվը ավելացել է մինչև 2017 թվականը և նվազել 2018-ին: Սա, իհարկե, հակասում է Փաշինյանի՝ Հայաստանում մենաշնորհի վերացման մասին արված պնդումներին:

 

Իրավիճակ է փոխվել, և վերացման սպառնալիքի տակ հայտնված մոնոպոլիստները ոչ թե վերանում են, այլ պայքարում միմյանց հետ: Այսպես օրինակ, ըստ մամուլում տարածված տեղեկությունների՝ Սամվել Ալեքսանյանը նոյեմբերին բավականին մեծ մասշտաբներով «ներխուժել» է բանանի շուկա և սպառնում է գրավել նախկին գերիշխողի՝ «Քեթրին Գրուպ»-ի տեղը։ Հենց «Սիթի»-ի ներկրած խմբաքանակի «շնորհիվ» բանանի գինը վերջերս կտրուկ թռիչք գրանցեց՝ 1 կիլոգրամը 350 դրամից դառնալով 600 դրամ։ Գերիշխողների ցանկում «Սիթի»-ի դիրքավորումը կերևա ավելի ուշ՝ 1-2 ամսից։

  

 

Ս.Խաչատրյան