Եվրոգոտու ճգնաժամը 20 տարի կերկարաձգվի. Financial Times

Միջազգային փորձագետների շրջանում կարծիք է շրջանառվում առ այն, որ Եվրոպական միությունը շատ կարևոր և ճիշտ քայլ է արել բանկային միասնական համակարգ ձևավորելու հարցում, թեև միայն այդ որոշման իրագործումը բավարար չէ ճգնաժամից դուրս գալու համար,–գրում է  Financial Times–ը։ 

«Ես համաձայն չեմ այդ պնդումներին։ Կարծում եմ, որ այդ որոշումը շատ մեծ քայլ է, որը սխալ ուղղությամբ է կայացվել։ Գագաթաժողովը հստակ որոշումներ է կայացրել ապագայում ճգնաժամից դուրս գալու ուղղությամբ, որն ավելի դժվար է լինելու իրագործել, քանի որ այն ավելի շուտ կձախողվի», – նշել է հոդվածագիր Վոլֆգանգ Մունչաուն։ «Եվրոպական միությունը համաձայնել է, որ ընդհանուր առմամբ բանկերի ռեկապիտալիզացիա տեղի չի ունենա, քանի դեռ լիարժեք չի ստեղծվել բանկային միությունը։ Սակայն Bundesbank–ը հիշեցրեց մեզ, որ դա հնարավոր չէ առանց քաղաքական միասնության։ 

Ըստ այդ տրամաբանության, մենք չենք կարող դուրս գալ ճգնաժամից առաջիկա 20 տարիների ընթացքում»,– նշել է հոդվածագիրը։