«Չորրորդ ինքնիշխանություն». Ռուսաստանյան «Բամօ» ընկերության գործերը խառն են

Ըստ «ՉԻ» տեղեկությունների, վերջին ժամանակներս բավականին խառն են ռուսաստանյան «Բամօ» ընկերության գործերը: Պտտվող լուրերի համաձայն, ՌԴ-ի մեծագույն հոլդինգներից մեկի սեփականատերեր Հովիկ, Մուրադ և Բորիս Մուրադյանները նորից մեծ վարկերի «տակ են ընկել»:

Մուրադյան եղբայրները, որոնց նախ հաջողվեց ձեռք բերել Կարեն Դեմիրճյանի անվան մարզահամերգային համալիրը, հետո Մուրադ Մուրադյանին հաջողվեց Իրարում դեսպան նշանակվել, հիմա էլ ասում են, որ նրանք ձեռնամուխ են եղել ՌԴ-ի տարածքով մեկ՝ փոքրիկ քաղաքների տեսքով թաղամասեր կառուցելու գործին:

Իրականում այն մեծ շահույթներ կարող է բերել Մուրադյանների ընտանիքին, որոնք տարեցտարի ձեռքները երկարացնում են ինչ ոլորտում ասես' միայն թե այն լավ փող բերի:

Ի դեպ, Մուրադյան եղբայրների մեծ վարկերի մեջ ընկնելու «ախորժակները» պայմանավորված են նաև Ֆրանսիայում հյուրանոցային համալիր կառուցելու բիզնես հեռանկարով, ուր Մուրադյան եղբայրները իշխանական էլիտայի մակարդակով բավականին լավ «կրուգ» ունեն: Եվ քանի որ Մուրադյանները ամեն տեղ լավ շրջապատ ու «պրախոդ» ունեն, չի բացառվում, որ Մուրադյան եղբայրներից Հովիկ Մուրադյանը առաջիկա ՏԻՄ ընտրություններում փորձի «խաղեր» տալ նաև Գեղարքունիքի մարզում:

Վերջինս վաղուց մտադրության ունի իր բարեկամներից մի քանիսին համայնքային ղեկավարներ «նշանակելու»: Թեև դժվար թե Գեղարքունիքի նորանշանակ մարզպետ Ռաֆիկ Գրիգորյանը նման բան հանդուրժի, քանի որ հնուց Մուրադյանների ու Գրիգորյանների գերդաստանները ոչ այնքան հարթ հարաբերությունների մեջ են եղել: