«Հայկական Ժամանակ». ՀՀ կառավարությունը խախտել է վաստաբան Վահե Գրիգորյանի արդար դատաքննության իրավունքը
Հայկական Մամուլ
Մարդու իրավունքների եվրոպական դատարանը երեկ Հայաստանի դեմ հերթական դատավճիռն է կայացրել: Այս անգամ Եվրադատարանը վճռել է, որ ՀՀ կառավարությունը խախտել է վաստաբան Վահե Գրիգորյանի արդար դատաքննության իրավունքը:
Ըստ Եվրադատարանի վճռի, ՀՀ կառավարությունը, որպես փոխհատուցում, Վահե Գրիգորյանին պետք է վճարի 2 հազար 500 եվրո: 2005-ի հունիսին ՀՀ գլխավոր դատախազության այն ժամանակ դեռևս գործող քննչական վարչությունը խարդախության հատկանիշներով քրեական գործ էր հարուցել, որի շրջանակներում նույն տարվա հոկտեմբերի 7-ին կալանավորվել է փաստաբան Վահե Գրիգորյանը:
Նա ազատ է արձակվել 2006-ի փետրվարի 16-ին: Չնայած պաշտոնապես քրեական գործը կապ չուներ Հյուսիսային պողոտայի վտարումների հետ, սակայն, Գրիգորյանի դեմ քրեական գործ սարքելու հիմնական պատճառը եղել է այն, որ նա օտարումներից տուժած քաղաքացիների շահերը պաշտպանելիս՝ ի սկզբանե պնդել է, որ մարդկանց սեփականությունից զրկելը հակասահմանադրական է: Վահե Գրիգորյանի դեմ սարքված քրեական գործի նախաքննությունը պաշտոնապես այդպես էլ չի ավարտվել և մինչ օրս շարունակվում է:
ՈՒՂԻՂ ԵԹԵՐ
Ամենադիտված 
Սուրեն Պապիկյանը պաշտոնից ազատել է «համացանցի հիթ» դարձած վարչության պետին
