«Առավոտ». Րաֆֆի Հովհաննիսյանը՝ նախագահականում իր թեկնածությունն առաջադրելու մասին
Հայկական Մամուլ
Երեկ «Առավոտը» դիմել է «Ժառանգության» առաջնորդ Րաֆֆի Հովհաննիսյանին հետևյալ հարցով.
«Վերջերս քաղաքական մի շարք գործընկերներ, մտավորականներ ու քաղաքացիական շրջանակներ կարծիք հայտնեցին, որ առաջիկա նախագահական ընտրություններում իրենց համար նախընտրվի է Ձեր թեկնածությունը: Ի՞նչ կասեիք այդ մասին` դրանք պաշտոնական կամ, թեկուզ, կազմակերպված հայտարարություննե՞ր են, թե՞ առանձին ինքնաբուխ արտահայտություններ»:
Պարոն Հովհաննիսյանը պատասխանել է «Իմ մասնակցության ձևն ու բովանդակությունը կհստակեցվեն ու կհրապարակվեն այս ամիսների ընթացքում, մինչև մեր Հանրապետության 21-րդ տարեդարձի օրը: Ակնհայտ է. որ ժողովրդի հաղթանակի գրավականը համապարփակ աննախադեպ ուժի ստեղծումն է՝ քաղաքացիական, քաղաքական, մտավորական, երիտասարդական ամենալայն ու ամենանվիրված հոսանքների ընդգրկմամբ՝ որպես հավաքական այդ թեկնածության համար պատասխանատվություն կրող բաժնետիրոջ և իրական հիմնաղբյուրի:
Այս լույսի տակ արժե լրջագույնս քննել ու քննարկել Լիլիթ Գալստյանի, Անահիտ Բախշյանի, Զարուհի Փոստանջյանի, Արմեն Մարտիրոսյանի, Ալեքսանդր Արզումանյանի, Արամ Զավենի Սարգսյանի, Պարույր Հայրիկյանի, Ստեփան Դեմիրճյանի, Նիկոլ Փաշինյանի և էլի մի քանի շնորհալի երիտասարդների հասարակական համախմբման հնարավորությունները»:
ՈՒՂԻՂ ԵԹԵՐ
Ամենադիտված 
Մահացել է երգիչ Հովհաննես Գրիգորյանը
