Վատ տրամադրությունն օգնում է պրակտիկ որոշումներ կայացնել
Գիտություն և Մշակույթ
Բացասական հույզերը խթանում են կրիտիկական մտածելակերպը: Այպիսի եզրակացության է եկել Նոր Հարավային Ուելսի համալսարանի պրոֆեսոր Ջոզեֆ Ֆորգասի գլխավորած ավստրալացի գիտնականների խումբը: Գիտնականները փորձարկման մասնակիցներին ցույց են տվել համապատասխան ֆիլմեր՝ նրանց տրամադրությունը բարձրացնելու կամ իջեցնելու համար:
Փորձարկումներից մեկի ժամանակ կամավորներին առաջարկվել է հայտնել իրենց կարծիքը մի քանի «ուրբանիստական լեգենդների» և ասեկոսեների մասին: Պարզվել է, որ փորձարկման մասնակիցներից նրանք, ովքեր վատ տրամադրություն ունեին, ավելի քիչ էին հակված հավատալու լսած տեղեկություններին, քան նրանք, ում տրամադրությունը բավականին բարձր էր:
Հետազոտողները եկել են այն եզրակացության, որ վատ տրամադրության դեպքում մարդիկ ավելի քիչ են տարերային որոշումներ ընդունում: Բացի այդ, փորձարկման մասնակիցները, որոնց մոտ առկա էին բացասական հույզեր, ավելի մանրակիրկիտ էին հիմնավորում իրենց պատասխանները և ավելի քիչ անճշտություններ էին թույլ տալիս որոշակի դեպքեր նկարագրելիս:
Ֆորգասի կարծիքով' հետազոտության արդյունքները վկայում են այն մասին, որ վատ տրամադրությունը նպաստում է ինֆորմացիայի նկատմամբ ավելի ուշադիր և ծանրակշիռ վերաբերմունքին, ինչպես նաև օգնում է ավելի պրակտիկ որոշումներ կայացնել:
ՈՒՂԻՂ ԵԹԵՐ
Ամենադիտված 
Կորուստ՝ Ալլա Լևոնյանի ընտանիքում
