Հայկ Կոնջորյանի վրիպո՞ւմը, թե՞ Բոլթոնի տրամաբանության մարմնացումը
Վերլուծական
Երեկ Ազգային ժողովում ԱԺ արտաքին հարաբերությունների մշտական հանձնաժողովի նախագահի թեկնածության հարցի շուրջ քննարկման ժամանակ ԱԺ «Իմ քայլը» խմբակցության պատգամավոր Հայկ Կոնջորյանը ուշագրավ հայտարարություն է արել։ Իշխանական խմբակցության պատգամավորն Իրանի Իսլամական Հանրապետությանը որակել է ավտորիտար։ Նման ձևակերպումը լայն քննադատության և ռեզոնանսի արժանացավ, թերևս միայն ամենաալարկոտը չփորձեց Կոնջորյանին մեղադրել քաղաքական հասունության և պատասխանատվության պակասի մեջ: Թեև հանրային պարսավանքը թափվեց միայն Կոնջորյանի «գլխին», անհրաժեշտ է նշել, որ վերջինս ներկայացնում է քաղաքական թիմ և այդ թիմի ձևավորման, այդ թիմի յուրաքանչյուր քայլի, նաև այդ թիմի վրիպումների համար գլխավոր պատասխանատուն Նիկոլ Փաշինյանն է: Առավել ևս, երբ «վրիպում» եզրույթը այս պարագայում փոքր ինչ վիճահարույց է և պատգամավորի երեկվա հայտարարությունը պետք է դիտարկել շատ ավելի լայն համատեքստում:
Եթե մի փոքր հետ գնանք և հիշենք ԱՄՆ նախագահի Ազգային անվտանգության հարցերով խորհրդական Ջոն Բոլթոնի այցը Հայաստան, և այդ այցի ընթացքում արված թափանցիկ ակնարկները՝ կարծես թե ամեն ինչ պարզ է դառնում: Բոլթոնի մեսիջը Հայաստանի նոր իշխանություններին՝ հետևյալն էր՝ սահմանափակեք կապերն Իրանի հետ, եթե ցանկանում եք, որ ԱՄՆ-ն մնա Հայաստանի բարեկամը: Այսօր ԱՄՆ-ն սեղմում է Իրանի շուրջ օղակը և փորձում է այդ խնդրի լուծման համար ներգրավել նաև Հայաստանի նոր իշխանություններին: Այս պարագայում Կոնջորյանի վրիպումը կարելի է դիտարկել այլ պրիզմայի ներքո և խնդիրը շատ ավելի խորքային է, քան միայն կոնկրետ հայտարարությունը: Ըստ երևույթին՝ պատգամավորի նման շեշտադրումը թելադրված էր հենց Փաշինյանի կողմից, իսկ վերջինս էլ առաջնորդվում է Բոլթոնի՝ Իրանին «սեղմելու» ծրագրի առաջնահերթությամբ: Հետևաբար, Կոնջորյանի վրիպումը իրականում Փաշինյանի վրիպումն է՝ շատ ավելի լայն համատեքստում: Միայն թե հարց է՝ արդյո՞ք իշխանությունները հաշվարկել են նման քաղաքականության ռիսկերը և հնարավոր հետևանքները:
Երեկ ադրբեջանական մամուլը տեղեկատվություն տարածեց, որ Իրանի Գլխավոր շտաբի պետը, հանդիպելով Ադրբեջանի նախագահ Իլհամ Ալիևի հետ՝ հայտարարել է, որ Ղարաբաղը Ադրբեջանական տարածք է, իսկ Իրանը միանշանակ պաշտպանում է հարևան երկրի տարածքային ամբողջականությունը: Իհարկե, սա ապատեղեկատվություն էր՝ դեռ՝ այն պարզ պատճառով, որ եթե Հայաստանի իշխանությունները շարունակեն իրագործել «Բոլթոնի պլանը», նման հայտարարությանը ականատես կլինենք արդեն առանց Բաքվի քարոզչամեքենայի միջնորդության…
Ստելլա Խաչատրյան
ՈՒՂԻՂ ԵԹԵՐ
Ամենադիտված 
Եկեղեցու դեմ արշավին միացած մոլի նիկոլականը, պարզվում է. Ռոսիա մոլի աշխատակից է
