10 օր Ասադին՝ մարտերը դադարեցնելու համար

Միացյալ Նահանգների, Ֆրանսիայի, Մեծ Բրիտանիայի եւ Գերմանիայի կողմից առաջարկված ՄԱԿ-ի Անվտանգության խորհրդի բանաձևի նախագիծը սիրիական իշխանություններին տալիս է տաս օր ծանր զինամթերքի օգտագործումը դադարեցենելու համար: Այս մասին հինգշաբթի օրը հաղորդում է «ՌԻԱ Նովոստին»՝ հղում կատարելով Agence France Presse գործակալությունը։

Եթե պաշտոնական Դամասկոսը չկատարի բանաձևի պահանջները, ՄԱԿ-ի Անվտանգության խորհրդի անդամ երկրները մտադիր են կիրառել Սիրիայի դեմ մի շարք դիվանագիտական եւ տնտեսական պատժամիջոցներ:

Նախագծի հինգերորդ բաժնում հեղինակները կոչ են անում Դամասկոսին դադարեցնել զորամիավորումների փոխանցումը բնակավայրեր և չօգտագործել իրենց տարածքի վրա ծանր զինամթերք:

Բանաձևը նաև կոչ է անում հակամարտության երկու կողմերին անհապաղ սկսել հետևել ՄԱԿ-ի և Արաբական պետությունների լիգայի հատուկ ներկայացուցիչ Քոֆի Անանի կողմից նախկինում առաջարկված ծրագրին:

Նշենք, որ արևմտյան երկրների կողմից առաջարկված բանաձևի նախագիծը ենթադրում է նաև Սիրիայում միջազգային դիտորդական առաքելության ժամկետների երկարաձգում, որի մանդատը ավարտվում է հուլիսի 21-ի գիշերը: