Ռուսաստանը չի աջակցի ՄԱԿ-ին Սիրիայի հարցում

Արևմտյան երկրները մշակում են մի բանաձև, որը նախատեսում է պատժամիջոցներ իրականցնել Սիրիայի նկատմամբ, եթե վերջինս ձախողի Քոֆի Անանի խաղաղության նախագիծը, հաղորդում է Associated Press-ը։

Ինչպես նշում է AP-ը, նախատեսված պատժամիջոցներն առաջին հերթին ուղղված են ոչ թե Սիրիայի ընդդիմությանը, այլ կառավարությանը։

Ռուսաստանն իր հերթին հայտարարել է, որ չի աջակցելու այդ բանաձևը, հաղորդում է РИА Новости-ն։

Ինչպես պարզաբանել է ՄԱԿ-ում ՌԴ-ի մշտական ներկայացուցչի տեղակալ Ալեքսանդր Պանկինը. « Ռուսաստանը դեմ է այդ պատժամիջոցներին, քանի որ դրանք ուղղված են մասնավորապես Բաշար Ասադի կառավարության դեմ»։