Կոռուպցիան «պոզով-պոչով» է լինո՞ւմ. Զեյնալյանի աջակցությունը` Մարությանին

 

 

Ստացվում է՝ արդարադատության նախարար Արտակ Զեյնալյանն արդեն իսկ սկսել է արդարացնել իր վերանշանակումը, արդարացնելով և ինչ-որ տեղ նաև աջակցել Երևանի քաղաքապետ Հայկ Մարությանի՝ օրենքի կոպիտ խախտմանը: Տեղին է այստեղ զուգահեռներ անցկացնել նախորդ իշխանության ներկայացուցիչների հետ, ովքեր ևս միմյանց նեցուկ կանգնելու, միմյանց ապօրինությունները կոծկելու պրակտիկա ունեին: Թեև Զեյնալյանի վերանշանակումը շատ հարցեր առաջացրեց հասարակության շրջանում, շատերը պնդեցին, որ վերջինս չի կարող վստահելի հենարան լինել վարչապետ Փաշինյանի համար, քանի որ չի ներկայացնում վերջինիս քաղաքական թիմը՝ Զեյնալյանի քայլերը ապացուցում են՝ ընտրությունը ճիշտ է կատարվել…