Ավելի քան 50 մարդ զոհվել է այս գիշեր Սիրիայում շարունակվող հակակառավարական ցույցերի ժամանակ

Անցած գիշեր ավելի քան 50 մարդ է զոհվել Սիրիայում շարունակվող հակակառավարական ցույցերի ժամանակ: Այս մասին հաղորդում է Սիրիայի «Syrian Observatory for Human Rights» իրավապաշտպան կազմակերպությունը: Հաղորդում է Lenta.Ru-ն: Մահացածներից 23-ը Սիրիայի անվտանգության ուժերի ներկայացուցիչներ են, 15-ը՝ փախստականներ եւ 13 քաղաքացիական անձինք, որոնցից մեծ մասը սպանվել է Սիրիայի ծայրագավառներից մեկում: 15 փախստականներ սպանվել են Սիրիայի Հոմս քաղաքում: Իսկ հինգ զիվորներ սպանվել են Համա գավառում:

Վերջերս Արաբական երկրների լիգան Սիրիայում տիրող իրավիճակի լուծման իր բանաձևն էր առաջարկել Սիրիայի իշխանություններին, որն ընդունվել էր Ասադի ռեժիմի կողմից։ Սակայն հետագայում այն չիրագործվեց: Բանաձեւը կազմվել էր Մեծ Բրիտանիայի, Ֆրանսիայի եւ Գերմանիայի միջնորդությամբ, որն իրավական ուժ չունեցող փաստաթուղթ է եղել:

Երեկ Կահիրեում կայացած Արաբական երկրների լիգան Սիրիայի իշխանությունների հետ համաձայնագիր է ստորագրել՝ անհապաղ դիտորդական առաքելություն ուղարկելու հետ կապված: Սիրիայի իշխանությունները համաձայնել են ստորագրել այդ փաստաթուղթը:

Սիրիա հինգ հարյուր հոգանոց դիտորդական առաքելություն ուղարկելու Արաբական երկրների լիգայի որոշումը կայացվել էր Ռաբաթում մեկ շաբաթ առաջ կայացած Արաբական լիգայի երկրների ԱԳ նախարարների հանդիպման ընթացքում: 

Հիշեցնենք, որ Սիրիայում հակակառավարական ցույցերը շարունակվում են այս տարվա մարտ ամսից: Ըստ ՄԱԿ-ի հայտնած տեղեկությունների` Սիրիայում արդեն ինն ամիս շարունակվող ցույցերի և բռնությունների պատճառով սպանվել է ավելի քան 3,5 հազար մարդ, որոնց մեծ մասը քաղաքացիական անձինք են եղել: Հազարավոր մարդիկ գտնվում են բանտերում: