«Գիրքը և կինոն» նախագծի շրջանակում տեղի ունեցավ «Ենոքի աչքը» վեպի շնորհանդես-վաճառքը

Այսօր «Ոսկե ծիրան» կինոփառատոնի «Գիրքը և կինոն» նախագծի շրջանակում տեղի ունեցավ Գուրգեն Խանջյանի «Ենոքի աչքը» վեպի շնորհանդես-վաճառքը:

«Ինձ համար փուլային գիրք է, որովհետև ժամանակ առ ժամանակ ես ստուգում եմ իմ վերաբերմունքը ճանաչողությանս նկատմամբ: Աշխարհայացքս հիմնականում չի փոխվում, բայց, իհարկե, կան որոշ մոտեցումներ, երանգներ, որ փոխվում են:

Կյանքի բոլոր շերտերն են ներառված գրքում: Մարդու ճանաչողության, գոյաբանության խնդիրն է արծարծվում»,- այսպես է ներկայացնում Գուրգեն Խանջյանն իր «Ենոքի աչքը» գիրքը:

Վերնագիրը ինքնաբուխ առաջացավ, այն նախկինում կոչվել է «Անմեղսագիտակների առիթը», բայց հետո հերոսն իրենը պարտադրեց և անվանումը փոխեցի, քանի որ Ենոքի ապակյա աչքի սառը հայացքը ամբողջ վեպի ընթացքում գոյություն ունի: