Աղմկոտ հրաժարականների հետքերով. Փաշինյանի կադրային ֆիասկոն
Վերլուծական
Վերջին մի քանի օրվա ընթացքում Հայաստանի պետական կառավարման համակարգում վերադասավորումներ են ընթանում: Այդ գործընթացը պայմանավորված է նրանով, որ մի շարք պաշտոնյաներ աշխատանքից ազատման դիմումներ են ներկայացրել: Այդ պաշտոնյաների թվում են Բարձրաստիճան պաշտոնատար անձանց էթիկայի հանձնաժողովի նախագահ Սիրանուշ Սահակյանը, ՀՀ Ազգային ժողովի իրավական փորձաքննության վարչության պետ Գարեգին Պետրոսյանը, ՀՀ տնտեսական զարգացման և ներդրումների փոխնախարար Հակոբ Ավագյանը:
Այսինքն՝ ինչպես նախորդ իշխանության օրոք աշխատած, այնպես էլ Նիկոլ Փաշինյանի նշանակած կադրերը, այն կադրերը, որոնք հետհեղափոխական ժամանակաշրջանում չեն հայտնվել որևէ աղմկահարույց պատմության կիզակետում, ասել է թե՝ լավ-վատ՝ աշխատել են: Ուշագրավ է նաև հրաժարական տվածների հիմնավորումը: Դրանից պարզ է դառնում, որ պետական ապարատում աշխատելն անհնարին է դարձել համապատասխան պայմանների բացակայության պատճառով, ասել է թե՝ չկա այն միջավայրը, որում հնարավոր կլիներ իրականացնել համակարգային բարեփոխումներ և առաջ շարժվել: Հետևաբար, ամեն ինչ այնքան էլ հարթ չէ պետական կառավարման համակարգում, ինչպես փորձում են ներկայացնել նոր իշխանությունները:
Հրաժարականներին զուգահեռ՝ մենք տեսնում ենք, որ պետական կառավարման համակարգ են բերվում ՀԱԿ կադրերը: Այս մասին չափից դուրս շատ է խոսվել և մեկ անգամ չէ, որ Նիկոլ Փաշինյանին մեղադրել են իր գաղափարական ուսուցիչ Լևոն Տեր-Պետրոսյանի քաղաքական գիծը շարունակելու ցանկության մեջ: Վլադիմիր Կարապետյանի նշանակմանը հաջորդեցին Ալեքսանդր Արզումանյանի, ՀԱԿ անդամ Զոյա Թադևոսյանի փեսայի նշանակումները բարձր պաշտոնների: Այժմ էլ խոսվում է այն մասին, որ Գագիկ Ջհանգիրյանը կարող է նշանակվել ՀՀ գլխավոր դատախազի պաշտոնում: Այս ամենը խոսում է մի բանի մասին՝ պետական կառավարման համակարգը Փաշինյանը փորձում է համալրել յուրայիններով, մինչդեռ իրական պրոֆեսիոնալ կադրերը մեկը մյուսի հետևից լքում են Փաշինյանին:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
