Աճուրդի են հանվել լեգենդար զույգի՝ Բոնիի և Քլայդի ատրճանակները

Ամերիկյան լեգենդար գողերի՝ Բոնիի և Քլայդի ատրճանակները հանվել են աճուրդի, որը կանցկացվի սեպտեմբերի 30-ին Նյու-Հեմփշիրում:

Ատրճանակներն առգրավվել էին 1934թ. հանցագործ զույգի ձերբակալման համար անցկացված օպերացիայի արդյունքում: Ըստ փորձագետների, յուրաքանչյուրի համար հնարավոր կլինի ձեռք բերել 100-200 հազար դոլար:

«Ժամանակին Բոնին և Քլայդը բավականին հայտնի էին: Կարծում եմ, նրանք պոպուլյար են մինչև այժմ»,- նշել է աճուրդի կազմակերպիչ RR Auctions ընկերության փոխնախագահ Բոբի Լիվենսթոունը:

Սեպտեմբերի 30-ին աճուրդի կհանվի նաև Քլայդի գրպանի ժամացույցը, եղբորն ուղղված նամակը, Բոնիի կոսմետիկայի պարագաները և զույգի մեքենայում հայտնաբերված շականակագույն տուփը՝ փամփուշտից մնացած հետքերով:

Հիշեցնենք, որ Բոնին և Քլայդը Մեծ դեպրեսիայի տարիներին ԱՄՆ-ում հայտնի հանցագործներ էին: Զույգի անհավանական հաջողակությունը օգնեց նրանց դուրս գալ ամենաանելանելի իրավիճակներից: Նշենք նաև, որ կրիմինալ զույգին պատկանող առարկաներն աճուրդներում շատ բարձր են գնահատվում: