Սորոսի «աղմուկը» և ԱՄՆ-ի դեղին քարտը Փաշինյանին
Վերլուծական
Հայաստանում Միացյալ նահանգների դեսպանատունը ներկայացրել է ԱՄՆ Պետքարտուղարության դիրքորոշումը՝ Սիրիա հայկական մարդասիրական առաքելության գործուղման և այդ հարցում ՌԴ հետ Հայաստանի գործակցության նկատմամբ: Տարածված տեղեկատվության մեջ նշվում է, որ ԱՄՆ-ը հասկանում է քրիստոնեական փոքրամասնությունների վիճակին առնչվող մտահոգությունը, բայց չի պաշտպանում Սիրիայի զինված ուժերի հետ ներգրավվածությունը՝ լինի քաղաքացիական, թե ռազմական նպատակով: Միաժամանակ, ԱՄՆ-ը հայտարարում է, որ չի պաշտպանում նաև ՌԴ հետ գործակցությունը, քանի որ Ռուսաստանը սիրիական ճգնաժամում եղել է Ասադի հովանավոր և ներկայացել նրա վայրագությունների պաշտպանության դիրքից»:
Սա, ըստ էության, Արևմուտքի՝ ի դեմս ԱՄՆ-ի՝ առաջին պաշտոնական քաղաքական գնահատականն է Նիկոլ Փաշինյանի վարած քաղաքականությանը, այն էլ՝ բացասական գնահատականը: Օրեր առաջ ուշագրավ մի դրվագ էլ գրանցվեց. հանրահայտ Ջորջ Սորոսը, ում անունը կապում են աշխարհի բոլոր թավշյա հեղափոխությունների հետ, իր «ծանր տեղը թեթևանալով», մի ամբողջ թվիթերյան գրառում նվիրեց Փաշինյանի աշխատանքին: Այդ գրառումը երկակի տպավորություն առաջացրեց, սակայն տողատակը մեկն էր՝ Սորոսը անթաքույց դժգոհություն էր հայտնում Փաշինյանի վարած քաղաքականությունից: Իսկ ի՞նչն է առաջացրել Արևմուտքի նման դժգոհությունը: Վերջին ամիսներին ուղղակի թե անուղղակի՝ ԱՄՆ-ը Փաշինյանին մի շարք մեսիջներ էր հղել:
Բոլթոնի շուրթերով՝ Իրանի վերաբերյալ, Թրամփի շնորհավորական ուղերձով՝ Արցախի: Երկու դեպքում էլ ԱՄՆ-ը համագործակցության համար նախապայմաններ էր առաջ քաշում: Ստացվում է՝ Փաշինյանը չի կատարել, կամ էլ չի կարողացել կատարել իր առջև դրված պայմանները, արդյունքում՝ ԱՄՆ-ն առաջին դեղին քարտն է ցույց տալիս Փաշինյանին: Եվ, ինչպես ցույց է տալիս իրերի ընթացքը՝ սա դեռ սկիզբն է…
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
