Սիրիայում ցուցարարները պահանջում են Քոֆի Անանի հրաժարականը
Մերձավոր Արևելք
Սիրիացի ցուցարարների մի խումբ պահանջում է ազատել պաշտոնից Արաբական լիգայի եւ ՄԱԿ-ի՝ Սիրիայի հարցով հատուկ բանագնաց Քոֆի Անանին:
Ցուցարարները, այդ թվում նաև Հոմս քաղաքից, հայտարարում են, որ Անանի առաքելության հետ կապված իրենց հույսերը վերջնականապես փուլ եկան, երբ հայտնի դարձավ Սիրիայի քաղաքացիների նոր զանգվածային սպանություննրի մասին, այս անգամ արդեն Թրեմսի գյուղում: Ընդդիմության կողմնակիցները պնդում են, որ հինգշաբթի օրը կառավարական ուժերի կոմից այս բնակավայրի գնդակոծության արդյունքում սպանվել է ավելի քան 200 մարդ:
Ըստ Սիրիայի իշխանությունների տարբերակի, Թրեմսիում արյունահեղության զոհ է դարձել մոտ 50 մարդ: Դամասկոսը սիրիացիների մահվան մեղքը, ինչպես և նախորդ անգամ, գցում է «ահաբեկիչների» վրա: Կառավարությունում պնդում են, որ Թրեմսիի բնակիչները դիմել են անվտանգության ուժերի աշխատակիցների օգնությանը, երբ նրանց գյուղում հայտնվել են զինված խմբավորման անդամները:
Իսկ ՄԱԿ-ի Անվտանգության Խորհրդում այս ընթացքում քննարկում են Սիրիայի վերաբերյալ նոր բանաձևը: Նշենք, որ Ռուսաստանը հայտարարել է, որ չի աջակցի արևմտյան երկրների նախաձեռնությանը, ուր նշվում է Սիրիայի նախագահ Բաշար Ալ-Ասադի ռեժիմի դեմ պատժամիջոցների կիրառման հնարավորությունը:
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
