Ցածր կալորիականությամբ դիետան երկարացնում է կյանքը

Սննդակարգի կալորիականության չափավոր սահմանափակումը երկարացնում է կյանքը: Դա պայմանավորված է մարդու օրգանիզմում սեփական ցողունային բջիջների բարելավմամբ: Նման եզրակացություն է եկել ամերիկյան և չինական գիտնականների մի խումբ:

Հայտնի է, որ ցողունային բջիջները պատասխանատու են մարդու օրգանիզմի բջիջների ինքնաթարմացման համար, ինչպես նաև հյուսվածքների և օրգանների համար ծառայում են որպես վերանորոգիչ նյութ:

Ուսումնասիրելով կրծողների աղիքային ցողունային բջիջները՝ գիտնականները հայտնաբերել են, որ ցածր կալորիականությամբ դիետաների դեպքում ցողունային բջիջները ավելի արագ են թարմանում՝ պահելով օրգանիզմը ակտիվ վիճակում:

Բացի այդ, սննդի կալորիականության սահմանափակումը ցողունային բջիջների բուժման ընթացքում օրգանիզմում նաև ստեղծում է բարենպաստ պայմաններ: