ԵՄ-ը մեղադրել է սիրիական ռեժիմին Անանի ծրագրով ստանձնած պարտավորությունների խախտման մեջ
Մերձավոր Արևելք
Եվրամիության արտաքին քաղաքականության հարցերով բարձր ներկայացուցիչ Քեթրին Էշթոնը մեղադրել է Սիրիայի իշխանություններին ՄԱԿ-ի հատուկ ներկայացուցիչ Քոֆի Անանի առաջարկած խաղաղ կարգավորման ծրագրի իրականացման ընթացքի կոպիտ խախտման մեջ. «Այն, որ ռեժիմն օգտագործում է ծանր զինամթերք, այդ թվում՝ հերատանի և ուղղաթիռներ, ինչը հաստատել են ՄԱԿ-ի դիտորդները, Անանի ծրագրով ստանձնած պարտավորությունների կոպիտ խախտում է», - նշվում է Էշթոնի հայտարարության մեջ:
Ուրբաթ օրը Սիրիայի SANA պետական լրատվական գործակալությունը հաղորդել է, որ Թրեմսի գյուղում ահաբեկչական հարձակումների զոհ է դարձել ավելի քան 50 մարդ: Մինչդեռ, Սիրիայի ընդդիմադիր տարբեր կազմակերպությունների ներկայացուցիչները պնդում են, որ հրետանային ռմբակոծության արդյունքում զոհվել են 100-200 խաղաղ բնակիչ։
ԵՄ արտաքին քաղաքականության ղեկավարը պահանջել է Սիրիայի իշխանություններից դիտորդներին անհապաղ անարգելք մուտք տրամադրել Թրեմսիի դեպքերի մասին ինֆորմացիայի ստուգման համար: «Նրանք, ովքեր իրականացրել են մարդու իրավունքների այդ ենթադրյալ խախտումները, չեն կարող անպատիժ մնալ», - ասել է Էշթոնը:
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
