Վիտալի Բալասանյանը՝ պետական գումարների փոշիացման մասին

Վիտալի Բալասանյանը նախընտարական քարոզարշավի շրջանակներում խոսել է պետական միջոցների փոշիացման և անարդյունավետ կառավարման մասին։ Ըստ նրա, գումարների փոշիացման հիմնական ոլորտներից մեկը գյուղատնտեսությունն է։ Պաշտոնական տվյալներով,  իշխանությունները շուրջ 1000%-ով ավելի գումարներ են ուղղել գյուղատնտեսական ծրագրերին, սակայն ոլորտի համախառն արտադրանքը աճել է միայն 70%-ով։ Տվյալները խոսում են փոշիացրած գումարների խոշոր ծավալների մասին։

Ցորենի, եգիպտացորենի ցանքսերի, ինչպես նաև անասնապահության զարգացման համար Կառավարությունը գյուղի և գյուղատնտեսության աջակցության նպատակով հիմադրամի միջոցով հսկայական գումարներ է հատկացվել ոլորտին, սակայն վերջին տարիների ընթացքում առաջընաց չի նկատվում։ Այս ամենի արդյունքում միայն մնացել են հողօգտագործողների մեծ չափերի հասնող պարտքերը հիմադրամին ու բանկերին։ Նույն իրավիճակն է նաև անասնապահության բնագավառում։ Անցյալ տարվանից սկսած ոստիկանությունն ու դատախազությունը ուժային ապօրինի միջոցներով փորձում են համաքագրել պարտքերը, իսկ ճնշումների ազդեցության տակ պարտքերը մարելու համար մարդիկ ստիպված վաճառում են իրենց ունեցվածքը, ոսկեղենը գրավ դնում բանկերում։

Պետական միջոցներով գնված մեքենատրակտորային կայանները սպասարկում են առաջին հերթին խոշոր հողատերերին։ Երեք տարի առաջ որդեգրած գնային քաղաքականության պատճառով դաշտից դուրս մնացին մասնավոր կոմբայնատերերը, ինչի հետևանքվ հողատերերը բերքի լուրջ կորուստ ունեցան։ Այս քաղաքականությունը մեկ նպատակ ունի. փոքր հողատերերին ստիպել հրաժարվել իրենց կողմից մշակվող հողատարածքներից, ինչը թույլ կտա տիրանալ այդ տարածքներին, որից հետո սեփականաշնորհել նաև մեքենատրակտորային կայանները։

Եթե հաշվի առնենք, որ ամենախոշոր հողատերը երկրի վարչապետն է, իսկ մեքենատրակտորային կայանների տնօրենները կամ փաստացի տերերը «Ազատ հայրենիք» կուսակցության հիմասյուներն են, ապա դժվար չէ կռահել, թե ինչու է երկրի իշխանությունները նման քաղաքականություն են վարում։

Իմ ընտրվելու դեպքում բացառվելու է պետական միջոցնրով ձեռք բերած տեխնիկան մի քանի անձանց ծառայեցնելու պրակտիկան։ Ազատագրված տարածքները, որոնք պետությանը պատկանող գյուղատնտեսության նշանակության հողեր են պետք է անհատույց սեփակաանշնորհվեն Արցախի  բնակիչների կողմից, իսկ կադաստրային բոլոր ծախսերը պետք է հոգա միայն պետությունը։