Բեռնատարի վարորդը սխալ էր փակել մեքենայի խցիկը. ի՞նչ եղավ արդյունքում

Լեհաստանի մայրուղիներից մեկում վատ փակված բեռնատարի միջից 25 տոննա սարդինա տեսակի ձուկ է թափվել: The Daily Mail-ի հաղորդմամբ՝ բեռնատարի 26-ամյա վարորդը սխալ էր փակել բեռնատարի խցիկը, որի հետևանքով ձկները թափվել են մայրուղու` մի քանի հարյուր մետրանոց հատվածի վրա: Թափված ձկների ականատեսներից մեկն ասել է, որ տպավորությունն այնպիսին էր՝ կարծես «Աստվածային պատիժ լիներ»:

Ձկների քանակն այնքան մեծ էր, որ մայրուղին բացելու համար փրկարարներից պահանջվել է մի քան ժամ քրտնաջան աշխատել: